Энг қиммати Қозоғистонда, энг арзони Туркманистонда экани маълум бўлди.
Марказий Осиё давлатлари ичида Қозоғистон электр энергиясининг энг юқори тарифига эга. Бу ҳақда Asia-Plus тадқиқотида маълумот келтирилган.
Нашр нархларни таққослаш осон бўлиши учун ҳисоб-китобни АҚШ долларида олиб борган.
Қайд қилинишича, Қозоғистонда 1 КВт⋅с электр энергиясининг нархи 4,8 центга тенг ва бу Марказий Осиё давлатлари ичида энг юқори тариф.
Ундан кейинги ўринни Тожикистон эгаллаган – 2,4 цент. 2024 йил 1 январдан бу мамлакатда электр энегрияси нархи 2,8 центга кўтарилади.
Учинчи ўринда Ўзбекистон қайд этилган – 2,3 цент.
Тўртинчи ўринни Қирғизистон эгаллаган. Бу мамлакатда 1 КВт⋅с электр энергиясининг нархи 1 центга тенг.
Asia-Plus нашри Туркманистон бўйича маълумотларни келтирмаган. Аммо очиқ манбалардаги маълумотларга кўра, Туркманистонда аҳоли учун табақалашган тарифлар амал қилади. Жумладан, ойига 350 КВт⋅с электр энегрияси бепул тақдим этилади, 351-700 кВт⋅с оралиғидаги истеъмол учун 1 кВт⋅с электр энергияси 37 центдан, ундан ортиғи 74 центдан тарифланади.
