АҚШда судланувчи ҳукм чиқараётган судяга ҳужум қилди

У кутилмаганда судяга ташланиб, бир неча зарба беришга муваффақ бўлди.

Қўшма Штатларда судланувчи тайинланган ҳукмга рози бўлмаган ҳолда судяга муштлари билан ташланди. У илгари зўравонлик билан боғлиқ бошқа жиноятлар учун жиноий жавобгарликка тортилган бўлса-да, синов муддати тайинланишига умид қилаётган эди.

Лас-Вегас суди судяси Мэри Кай Ҳолтус судланувчи Деобра Делоне Редданга зўравонлик билан боғлиқ жиноят учун ҳукм чиқараётганда ҳужумга учради.

Ҳолтус уни шартли синов муддати белгилашдан ва гаров эвазига қўйиб юборишдан бош тортганини эълон қилганида Реддан уни лаънатлай бошлади ва кейин столдан сакраб, унга ташланди.

Суд ходимлари ва адвокатлар эркакни ушлаб қолишга ҳаракат қилишди, бироқ у ҳайратда қолган судяга бир неча марта зарба беришга муваффақ бўлди. Судя енгил тан жароҳати олди, аммо шифохонага ётқизишни талаб қилмади.

Энди судланувчига янги айбловлар қўйилгани таъкидланмоқда. Илгари у зўравонлик, талончилик ва мулкка зарар етказишда айбланган.