Ҳозирги Молия институти ректори, иқтисод фанлари доктори, профессор Тўлқин Тешабоев Тошкент давлат иқтисодиёт университети ректори этиб тайинланиши кутиляпти.
Фото: Kun.uz
Президентнинг тегишли қарорига кўра, Тошкент давлат иқтисодиёт университети, Тошкент Молия институти ва Давлат солиқ қўмитаси ҳузуридаги Фискал институти бирлаштирилди. Буни Kun.uz'га Олий таълим, фан ва инновациялар вазирлиги тасдиқлади.
Ҳукумат қарори билан иқтисод фанлари доктори, профессор Тўлқин Тешабоев Тошкент давлат иқтисодиёт университети ректори этиб тайинланиши кутилмоқда.
Маълумот учун, Тўлқин Тешабоев 2020 йил 9 октябрдан бери ҳозирги Молия институти ректори бўлиб ишлаб келяпти.
Иқтисодиёт университетининг аввалги ректори Қўнғиротбой Шарипов ўтган ҳафта олий таълим, фан ва инновациялар вазири этиб тайинланган эди.
