Пропискадаги бегоналар ва кутилмаган солиқ – Адлия масъуллари изоҳ берди
Сўнгги вақтларда кўчмас мулк объектларининг олди-сотдисидан кейин ҳам унинг аввалги эгаси номига солиқ ҳисобланиши ёки баъзан айрим фуқароларнинг уйида “прописка”да бегона шахслар пайдо бўлиб қолиши каби ҳолатлар учрамоқда. Бу каби хатоликларга нима сабаб бўлмоқда? Адлия вазирлиги ўтказган матбуот анжуманида Давлат хизматлари департаменти бошлиғи Санжар Абдуллаев ушбу саволга жавоб берди.
АОКАда Адлия вазирлиги томонидан Давлат хизматларини кўрсатишдаги янгиликлар ҳамда “Ҳеч бир шахс ҳужжатсиз қолмайди” ҳуқуқий акциясини ўтказиш бўйича матбуот анжумани ташкил этилди. Унда иштирок этган Kun.uz мухбири Адлия вазирлиги тизими билан боғлиқ бир қатор муҳим масалалар юзасидан саволлар билан масъулларга юзланди.
Сўнгги вақтларда кўчмас мулк объектларининг олди-сотдисидан кейин ҳам унинг аввалги эгаси номига солиқ ҳисобланаётгани, шунингдек, баъзи бир фуқароларнинг уйида нотаниш одамлар яшаш учун рўйхатдан ўтганлиги, яъни “прописка”да бегона шахслар пайдо бўлиб қолаётгани каби ҳолатлар ҳам учрамоқда. Мазкур масаланинг илдизи қаерда эканлиги ва унинг ечими нима билан боғлиқлиги ҳақида саволга Адлия вазирлиги Давлат хизматлари департаменти бошлиғи Санжар Абдуллаев жавоб қайтарди.
“Бундай ҳолатларга маълумотлар рақамлаштирилмай қолгани, яъни олди-сотди қилинганда ёки базадан кўтарилганда объектнинг эски эгаси номида қолиб кетганлиги сабаб бўлиши мумкин. Ҳозирда барча давлат органлари ва ташкилотлари рақамлаштириш ишларини амалга оширмоқда. Рақамлаштириш тўлиқ якунланганидан сўнг бу каби ҳолатлар юзага келмайди.
My.gov.uz электрон портали орқали ҳар бир фуқаро шахсий кабинетига кириб, ўзига тегишли бўлган барча маълумотлар – мол-мулки, уйи, фарзандлари тўғрисидаги ахборотларни кўришлари мумкин. Фуқароларнинг уйида нотаниш одамлар рўйхатдан ўтганлиги аниқланганда, “қайта алоқа” деган тизим орқали мурожаат қилинса, ҳолат дарҳол бартараф этилади. Ривожланган давлатларда бу босқичга қадам-бақадам ўтилган. Бизда ҳам ташкилотларни тўлиқ рақамлаштириш вақт талаб этади, шунинг учун амалиётда юқоридаги каби ҳолатлар учраб туради”, деди Давлат хизматлари департаменти бошлиғи.
Матбуот анжуманида таъкидланишича, давлат хизматлари марказлари йўналишида 2023 йил давомида 77 турдаги янги хизматларни кўрсатиш жорий этилиб, уларнинг сони 337 тага етказилган. 2024 йил давомида эса хизматлар сонини 400 тага етказиш режалаштирилган. Марказлар орқали 13,2 млн.дан ортиқ давлат хизматлари кўрсатилган, шундан 9,3 млн.дан ортиғи марказлар орқали, 3,8 млн.дан ортиғи онлайн тарзда амалга оширилган.
Давлат хизматлари кўрсатишда энг кўп кўрсатилган 29 турдаги хизматлар (9 млндан ортиқ) “3 қадам” тамойили асосида соддалаштирилиб, сўраладиган маълумотлар 225 тадан 99 тага, ариза юбориш учун сарфланадиган вақт 76 дақиқадан 22 дақиқага қисқартирилган.
“Ҳеч бир шахс ҳужжатсиз қолмайди” ҳуқуқий акцияси доирасида эса республика миқёсида жами 9 209 та маҳаллада хатлов ўтказилиб, 98 192 нафар шахсда тегишли ҳужжатлар мавжуд эмаслиги аниқланган. Шундан 88 570 таси ижобий ҳал этилиб, қолгани ўрганиб чиқилган.
Диёрахон Набижонова,
Kun.uz
Оператор ва монтаж устаси: Абдуқодир Тўлқинов
Тавсия этамиз
АҚШ элчиси ўзбекистонлик ноқонуний мигрантларга мурожаат қилди
Ўзбекистон | 16:53 / 03.04.2025
АҚШнинг янги божлари Ўзбекистонга қандай таъсир қилади?
Нуқтайи назар | 14:23 / 03.04.2025
Хоразмда пулини кўпайтириб беришни айтиб, мингдан ортиқ одамни чув туширган шахс ушланди
Жамият | 20:24 / 02.04.2025
Битта машинада нуқсон топилса, бренднинг ҳамма моделларини ёппасига тақиқлаш тўғрими?
Ўзбекистон | 20:13 / 02.04.2025
Сўнгги янгиликлар
-
Мирзиёев Марказий Осиё ва Европа Иттифоқи ҳамкорлигидаги устувор йўналишларни кўрсатиб ўтди
Ўзбекистон | 12:36
-
«Украинадаги вазиятни тинч йўл билан ҳал этиш бўйича музокараларни олқишлаймиз» — Шавкат Мирзиёев
Ўзбекистон | 12:22
-
Мўйдинхўжаев ва Холдоров жаҳон кубогини чоракфиналдаёқ тарк этди
Спорт | 12:16
-
Малайзия Ўзбекистонда "ҳалол" стандарти асосида озиқ-овқат ишлаб чиқариши мумкин
Ўзбекистон | 12:13
Мавзуга оид

23:28 / 10.03.2025
Россиядан кўчмас мулк харид қилаётган ўзбекистонликлар сони ошди

18:51 / 05.03.2025
Кўчмас мулкнинг бозор нархига яқин қийматини аниқлаш мақсадида оммавий баҳолаш ўтказилади

17:52 / 25.02.2025
Айрим нотариал хизматлар нархи оширилди

18:55 / 21.02.2025