Самолёт бортида россиялик фуқароларнинг тоби қочиб қолган.
Россиянинг «Аэрофлот» авиакомпаниясига тегишли Airbus A330 самолёти 21 март куни «Бангкок – Екатеринбург» йўналиши бўйича парвоз қилаётганда Тошкентга фавқулодда қўнди.
Қайд қилинишича, самолёт бортида россиялик фуқаронинг тоби қочган. Экипаж зудлик билан энг яқин аэропорт жойлашган шаҳар - Тошкентга қўнишга қарор қилган. Аэропортга тиббий ёрдам машинаси чақирилган.
Самолёт қўнгач, 59 ёшли эркак шифохонага ётқизилган. У юрак хуружига учрагани таъкидланмоқда.
Бир соат ўтгач, экипаж парвозни давом эттиришга қарор қилган. Бироқ, самолёт учиш-қўниш йўлагида ҳаракатланаётган пайтда, яна бир россияликнинг тоби қочиб қолган. Оқибатда, самолёт яна орқага қайтган ва аёл шифокорларга топширилган.
Шундан сўнг, самолёт Екатеринбург шаҳрига учиб кетган.