Жанубий Корея: КХДР чиқинди тўлдирилган юзлаб ҳаво шарларини учирди
Шарлар ҳар хил турдаги чиқинди: ҳожатхона қоғози, пластик бутилкалар, батареялар ва гўнг билан тўлдирилган. Расмийлар жамоатчиликни шарлар қулагани ҳақида хабар беришга ва уларга яқинлашмасликка чақирди.
![](https://storage.kun.uz/source/10/GkAFb837vebuVNPhVwoYj4kEXk9-vnWp.jpg)
Фото: Yonhap News Agency/REUTERS
Жанубий Корея Шимолий Кореяни чегарадан катта миқдордаги чиқинди шарларини учираётганликда айблади. Бу ҳақда 29 май, чоршанба куни «Ренхап» агентлиги хабар берди. Жанубий Корея штаб бошлиқлари бирлашган қўмитаси (JCS) таъкидлаганидек, сешанба куни кечқурундан бошлаб ҳаво шарлари чегарани кесиб ўтиб, мамлакатнинг турли жойларига қулаган. Чоршанба ҳолатига кўра, 150 дан ортиқ бундай шарлар аниқланган. «Шимолий Кореянинг бу ҳаракатлари халқаро ҳуқуқни очиқдан-очиқ бузади ва халқимиз хавфсизлигига жиддий таҳдид солади», — дейилади JCS баёнотида.
Жанубий Корея оммавий ахборот воситаларида эълон қилинган шарларнинг фотосуратларида улар чиқиндилар, жумладан, ҳожатхона қоғози, пластик бутилкалар, батареялар, пойабзал қисмлари ва гўнг билан тўлдирилганлигини кўриш мумкин. Расмийлар жамоатчиликни шарлар қулагани ҳақида хабар беришга ва уларга яқинлашмасликка чақирди. Ҳарбийлар қулаган нарсаларни йиғиш ва текшириш учун кимёвий ва биологик таҳдид бўлинмаларини юборди.
Шимолий Кореянинг Жанубий Корея варақалари билан тўлдирилган шарларига жавоби
26 май куни КХДР расмийлари «чегара ҳудудига ташвиқот материаллари ва чиқиндиларнинг ташланишига жавобан чоралар кўришини» маълум қилди. Шимолий Корея жанубий кореялик фаолларнинг Шимолий Корея раҳбариятини танқид қилувчи варақалар, яриморол жанубидаги демократик жамият ҳақида маълумот берувчи ва шимолда тақиқланган Жанубий Корея поп-гуруҳларининг мусиқий видеолари бўлган USB’лар бўлган шарларни учираётганига жавоб қайтарди.
Жанубий Кореянинг аввалги ҳукуматлари фаолларнинг бундай кампанияларни ўтказишини тўхтатишга уриниб, улар тинчликни тарғиб қилмаслигини ва чегара яқинидаги аҳоли хавфсизлигига таҳдид солаётганини айтишган. 2021 йилда ҳаво шарларини учириш бўйича тақиқ кейинчалик Олий суд томонидан конституцияга зид деб топилган, чунки бу сўз эркинлигини бузган.
Мавзуга оид
![](https://storage.kun.uz/source/thumbnails/_medium/10/kwqCCgmjORbi24YU7ptOTgkOlgmL8PVz_medium.jpg)
20:56 / 05.09.2024
ЖЧ-2026 саралаши. Ўзбекистон КХДРни мағлуб этиб, ҳал қилувчи босқични ғалаба билан бошлади
![](https://storage.kun.uz/source/thumbnails/_medium/10/DFcMxVsobCXLK_bW9AGmn6uBGSczTjDF_medium.jpg)
20:38 / 05.09.2024
КХДР Жанубий Кореяга 420 та чиқинди шарини учирди
![](https://storage.kun.uz/source/thumbnails/_medium/10/Rrvorpuc_JGHFPOdxTwjawspB2GluRVY_medium.jpg)
19:06 / 04.09.2024
Telegram Жанубий Корея расмийлари талабини бажарди ва узр сўради
![](https://storage.kun.uz/source/thumbnails/_medium/10/ji6uFhIIgT4yiRes0IqEhah9mLL0L27L_medium.jpg)
15:18 / 02.09.2024