Қорақалпоғистонда Cobalt пастликка ағдарилиб кетди

Катта тезликда ҳаракатланган Cobalt йўл четига чиқиб кетиб ағдарилган, ҳайдовчи ҳалок бўлган.

Фото: Видеодан кадр

Қорақалпоғистон Республикаси Тўрткўл туманида содир бўлган йўл-транспорт ҳодисасида ҳайдовчи ҳалок бўлган. Бу ҳақда республика ИИВ ахборот хизмати хабар бермоқда.

Маълум қилинишича, 31 ёшли ҳайдовчи Cobalt машинаси билан Тўрткўл туманидан ўтувчи 4Р-182 автомобил йўлида катта тезликда ҳаракатланаётиб, бошқарувни йўқотган.

Шунда машина йўл четига чиқиб кетиб пастликка ағдарилиб кетган. Оқибатда, ҳайдовчи оғир тан жароҳатлари олиб, воқеа жойида вафот этган.

Қайд этилишича, ҳодиса юзасидан Тўрткўл тумани ИИБ тергов бўлими томонидан суриштирув ҳаракатлари олиб борилмоқда.