«Ўзбекнефтгаз» 3 дона компютер қурилмасини 232 млн сўмга сотиб олди

Ўтказилган танловда 3 та таклиф билдирилган ва якунда якка тартибдаги тадбиркор Садиков Лазиз Ўктамович билан 232,1 млн сўмлик контракт тузилган.

Фото: «Ўзбекнефтгаз»

«Ўзбекнефтгаз» АЖ 3 дона компютер платасини қарийб 232 млн сўмга сотиб олган. Бу ҳақда Давлат харидлари порталида келтириб ўтилган.

Қайд этилишича, лотнинг бошланғич баҳоси 246,9 млн сўмни ташкил этган. Танловда 3 та таклиф билдирилган ва якунда якка тартибдаги тадбиркор Садиков Лазиз Ўктамович билан 232,1 млн сўмлик контракт тузилган.

Шартномада компютер қурилмалари хорижда ишлаб чиқарилгани айтилган ва уларнинг нархи қуйидагича:

· 70,8 млн сўм;

· 93,4 млн сўм;

· 67,8 млн сўм.

Аввалроқ, Коррупцияга қарши курашиш агентлиги томонидан давлат харидлари бўйича 19 та ҳолатда жами 8,1 млрд сўмлик қонунбузилиш ҳолатлари аниқлангани хабар қилинганди.