Украина тикланиш агентлиги раҳбари истеъфога чиқди
Берлиндаги Украинани тиклаш бўйича конференциядан бир кун олдин Украина агентлиги раҳбари Мустафо Найем ўз лавозимидан истеъфога чиқди. У ҳукумат билан келишмовчиликлар ҳақида эълон қилди.
![](https://storage.kun.uz/source/10/dkAlhh_hSmkF27M-mrpEQ-1LtrGAkm3K.jpg)
Мустафо Найем Фото: Getty Images
Берлинда Украинани тиклаш бўйича конференция бошланишидан бир кун олдин Украина тикланиш агентлиги раҳбари Мустафо Найем истеъфога чиқди. У ўз қарорини 10 июн, душанба куни Facebook’да маълум қилди. «Мен ўз ваколатларимни самарали бажариш учун кейинги имкониятларга тўсқинлик қиладиган тизимли муаммолар туфайли шундай қарор қабул қилдим», деб ёзган у.
Найемнинг сўзларига кўра, унинг жамоаси 2023 йил ноябр ойидан бери «доимий қаршилик ва сунъий тўсиқлар» билан дуч келган. Бошқа нарсалар қаторида, у йўлларни қайта тиклаш ва таъмирлаш лойиҳалари учун бюджетлар бекор қилинишига ишора қилди. «Мен чекланган ресурсларни ва ҳарбий харажатларнинг аҳамиятини тушунаман, аммо инфратузилмани сақлаш учун маблағлар бекор қилиниши, биринчи навбатда, мудофаа йўллари ҳолатига таъсир қилади, агар бу бўлмаса келаси мавсумда биз ҳарбий логистика ва маҳсулот экспорти билан боғлиқ қийинчиликларга дуч келамиз», деди у.
Бундан ташқари, Найем Украина бош вазири Денис Шмихални танқид қилди, у Берлинда Украинани қайта тиклаш бўйича конференцияга бориш имкониятини рад этди. Бундан ташқари, агентлик ходимларининг аксарияти маошлари 68 фоизга қисқартирилди, бунинг натижасида агентлик йил бошидан буён ўз ходимлари 25 фоизини йўқотди, деди у.
Берлинда Украинани тиклаш бўйича конференция
Германия ҳукумати вакили Штеффен Хебештрайтнинг таъкидлашича, Найем истеъфоси Берлинда бўлиб ўтадиган конференция жараёнига жиддий таъсир кўрсатмайди.
11-12 июн кунлари Германия пойтахтида Украинани тиклаш бўйича икки кунлик конференция бўлиб ўтади, унда 2 мингга яқин иштирокчи кутилмоқда. Германия ҳукумати шу билан Украинани қайта тиклаш бўйича узоқ муддатли истиқболни тақдим этиш ва сармояларни рағбатлантириш ниятида. Бундан ташқари, гап Россиянинг давом этаётган ҳужумлари фонида фавқулодда ёрдам кўрсатиш масалалари ҳақида кетяпти.
Украинада собиқ журналист Мустафо Найем 2013 йил охирида кенг танилди: Қадр-қиммат инқилоби одамларни Украинадаги Майданга боришга чақирган унинг твитидан бошланди. Кейинчалик у Олий рада депутати бўлди, 2023 йил бошидан эса Тикланиш агентлигини бошқарган.
Мавзуга оид
![](https://storage.kun.uz/source/thumbnails/_medium/10/RuA8d7qCvUpL4JT8EVOIOGtE_A8Ur3G4_medium.jpg)
22:36 / 07.09.2024
Трамп Украинадаги урушни қандай тугатишни режалаштираётганини айтди
![](https://storage.kun.uz/source/thumbnails/_medium/10/R6KYhgAelgLWM8shxLt8ThPaLMYmx0WF_medium.jpg)
19:26 / 07.09.2024
Блэкаутларга қарамасдан Украинада электромобиллар сони ортяпти. Бунга сабаб нима?
![](https://storage.kun.uz/source/thumbnails/_medium/10/YAkQKullZcnyDAwIaMzuLVxpzQGtpARy_medium.jpg)
18:44 / 07.09.2024
Украинада ҳалок бўлган Россия армияси вакиллари орасида ўзбекистонликлар ҳам бор – ОАВ
![](https://storage.kun.uz/source/thumbnails/_medium/10/e8JpomDrhPJmlg5LBayr5oiXIdCX91-P_medium.jpg)
11:00 / 07.09.2024