Асирликдан қайтарилган ҳарбийлар ва «душманни ўрадиган комбайн». Уруш суратлари

Украинада урушнинг 854-куни ўтди. Асосий маълумотлар:

• НАТО элчилари Марк Рюттени НАТОнинг янги бош котиби сифатида тасдиқлашди.
• Евроиттифоқ Беларусга нисбатан янги санкцияларни келишиб олди. Бу чекловлар Россияга қарши чекловлардаги «энг катта лазейка»ни ёпиши кўзда тутилган.
• Зеленский инглиз тилининг Украинадаги мақоми тўғрисидаги фармонини имзолади. Энди бу тилни боғчадан бошлаб ўқитиш мажбурий бўлади.
• Евроиттифоқ суди миллиардер Дмитрий Пумпянскийга қўйилган санкцияларни бекор ​қилди.
• Украинанинг Евроиттифоққа кириши масаласида расмий музокаралар бошланди.
• Россия ТИВ рус нашрлари Европада тақиқланишига жавобан ғарбнинг 81 та нашрига чеклов ўрнатди.
• Белгород областида Украина қуролли кучлари ҳужуми оқибатида тинч аҳоли вакили бўлган аёл ҳалок бўлди. Яна бир неча киши жароҳатланган.
• Трампнинг маслаҳатчилари Украинада урушни тўхтатиш режасини тақдим этишди. Улар агар Москва билан музокаралардан бош тортгудек бўлса, Киевни АҚШнинг ҳарбий ёрдамидан маҳрум этишни таклиф қилишган.

Россия ва Украина ўртасида асирлар алмашуви

Россия ва Украина 25 июн куни «90 га 90» схемаси бўйича асирлар алмашувини амалга оширди. Украина Россия томонига қайтарганлар орасида Украина православ черкови Тулчинская епархияси митрополити, Украинада Россия тажовузини оқлагани учун қамалган Ионафан (Анатолий Елецких) ғам бор. Алмашув куни черков Кирилл Ионафанни Москвада қабул қилгани ва уни I даражали Сергий Радонежский ордени билан тақдирлагани ҳақида хабар берди. 

Харкив атрофидаги «Хартия» бригадаси

Россиянинг Харкив областидаги юриш қилишга уринишларини бошқалар қатори «Хартия» оператив топшириқлик 13-бригада ҳам қайтармоқда. Қуйидаги тасвирлар «Хартия» жангчилари ҳимоя қилаётган Липци посёлкаси ҳудудида олинган.

Украина қуролли кучларининг Донецк областидаги таъмирлаш бригадаси

Украина қуролли кучларининг таъмирлаш бригадалари жангларда шикастланган техникаларни тиклашда ёрдам кўрсатади. «Кенг кўламли босқиннинг илк кунидан буён мобил таъмирлаш бригадалари кўринмас фронт ва Украина қуролли кучлари техникалари учун тез ёрдамга айланди. Улар ўзини қаҳрамонлар деб ҳисобламайди. Туташув чизиғида техникаларни таъмирлаш — бу улар учун ҳарбийлар олдида ҳам, ватан олдида ҳам мажбурият ҳисобланади. Аммо улар  биз учун — қаҳрамонлар. Мудофаа қаҳрамонлари», — дея хабар қилади «Укроборонпром».

Харкив яқинидаги украин разведка дрони

Россия қўшини олдинга юришга интилаётган Харкив йўналишида 92-алоҳида штурм бригадасининг «Ахиллес» номли зарбдор пилотсиз авиация баталёни ҳам жанг қилмоқда.

РФ қуролли кучларининг Херсон областидаги артиллерияси

Херсон областининг бир қисмини эгаллаб турган Россия қўшини мунтазам равишда Днипро дарёсининг ўнг соҳилидаги украин қўшинлари позицияларини артиллериядан ўққа тутиб, дронлар билан ҳужум қилмоқда. Бунинг учун «Гиацинт-Б» русумли йирик калибрли замбараклардан ҳам фойдаланмоқда.

Миллий жамоанинг Евродаги ўйинини кўраётган украин ҳарбийлари

Украина миллий жамоаси 26 июн куни Белгия жамоасига қарши ўйинда дуранг қайд этди ва Евро-2024 турнири 1/8 финал босқичига чиқа олмади. Украинанинг гуруҳдаги барча жамоалар тўрттадан очко жамғарганди. Лекин украинлар тўплар нисбати ёмонроқлиги туфайли энг охирги ўринга жойлашди, биринчи турда Руминиядан учралган йирик ҳисобдаги мағлубият (0:3) панд берди.