Тўрт ўзбекистонлик қовунлар орасига яшириниб, Россияга киришга уринди

Қонунбузарларга нисбатан Россия давлат чегарасини ноқонуний кесиб ўтиш моддаси бўйича жиноят иши қўзғатилди.

Фото: Видеодан кадр

Юк машиналаридан бирида қовун солинган қутилар орасига яшириниб, Россия ҳудудига кирмоқчи бўлган ўзбекистонликлар ушланди. Бу ҳақда Mash хабар берди.

Саратов областининг Озинки қишлоғидаги назорат-ўтказиш пунктида чегарачилар юк машинасини тўхтатган. Ҳужжатларга кўра, унинг ичида фақат қовунлар бўлиши керак эди. Бироқ, юк машинаси текширилганда қутилар остида тўрт нафар ўзбекистонлик борлиги аниқланди.

Таъкидланишича, ҳайдовчи ва қонунбузарларга нисбатан Россия давлат чегарасини ноқонуний кесиб ўтиш моддаси бўйича жиноят иши қўзғатилган. Уларга 5 йилгача қамоқ жазоси хавф солмоқда.