Сенат ялпи мажлиси 23 октябр куни чақирилади

Унда телекоммуникация, ипакчилик, Қуролли кучлар, солиқ, божхона соҳаларига доир кодекс ва қонунларга ўзгартиришлар киритиш масалалари муҳокама қилинади.

Фото: Олий Мажлис Сенати

Олий Мажлис Сенатининг 59-ялпи мажлиси 23 октябр куни чақирилади.

Ялпи мажлисда қатор масалаларни муҳокама қилиш назарда тутилган. Жумладан, телекоммуникация, ипакчилик соҳалари, омбудсман, Қуролли Кучлар ва ҳуқуқни муҳофаза қилувчи органлар хизмат фаолиятига оид қонунлар кўриб чиқилади.

Кун тартибидан, шунингдек, Солиқ, Божхона, Жиноят-процессуал ва Маъмурий жавобгарлик тўғрисидаги кодексларга қўшимча ва ўзгартиришлар киритиш, халқаро ташкилотларнинг бир қатор ҳужжатларини ратификация қилиш ҳақидаги қонунлар ўрин олган.