Ироқ ўз ҳаво ҳудуди Исроил томонидан бузилгани юзасидан БМТга шикоят қилди

Ироқ Исроилнинг Эронга зарба бериш учун республика ҳаво ҳудудидан фойдалангани муносабати билан БМТ бош котиби Антониу Гутерриш ва жаҳон ташкилоти Хавфсизлик кенгашига норозилик нотасини юборди.

Бу ҳақда Ироқ ҳукумати вакили Басим ал-Авадий маълум қилди.

Унинг сўзларига кўра, икки томонлама стратегик ҳадли келишув шартларига ва Вашингтоннинг хавфсизлик бўйича мажбуриятларига мувофиқ, Ироқ бош вазири Муҳаммад Шиа ал-Суданий ТИВга ушбу қоидабузарлик юзасидан Америка томони билан боғланишни топширган.

Ироқ ҳукумати ўз ҳудудининг суверенитети, мустақиллиги ва яхлитлигига қатъий содиқлигини яна бир бор тасдиқлайди ва бу каби ҳуқуқбузарликларга қарши курашиш учун турли даражаларда ишламоқда, деди Ал-Авадий.

«Биз Ироқ ҳаво ҳудудидан бошқа давлатларга, айниқса қўшни давлатларга ҳужум қилиш учун фойдаланишга йўл қўйилмаслигини таъкидлаймиз», дейилади хабарда.

Бу Ироқнинг минтақавий можароларда ўз ҳудуди эксплуатациясига йўл қўймаслик орқали минтақада барқарорликни сақлаш сиёсатини олиб бориш мажбуриятини ҳамда низоларни мулоқот ва ўзаро тушуниш йўли билан ҳал этишни қўллаб-қувватлашини акс эттиради, дея қўшимча қилди у.