Жаҳон | 18:34 / 04.11.2024
3015
2 дақиқада ўқилади

Индонезияда вулқон отилиши оқибатида 10 киши ҳалок бўлди

Мамлакатда энг юқори огоҳлантириш даражаси эълон қилинди, фуқаролар вулқон кратеридан камида 7 километр узоқликда туришга чақирилмоқда.

Индонезиянинг Флорес оролида вулқон отилиши оқибатида 10 киши ҳалок бўлди. Бу ҳақда Фавқулодда вазиятлар миллий агентлиги хабар берди.

Левотоби Лаки-Лаки вулқони 4 ноябр куни кечқурун ҳаракатга келган ва кул устунлари 2 минг метр баландликка қадар отилган. Таъкидланишича, вулқон отилиши оқибатида яқин атрофдаги аҳоли пунктларида ёнғин чиққан.

AFP агентлиги маълумотларига кўра, камида бешта қишлоқнинг аҳолиси эвакуация қилинган, вулқон атрофидаги уйларни қалин кул қатлами қоплаган.

Индонезия табиий офатлар агентлиги (BNPB) вакили Абдул Мухарининг маълум қилишича, вулқоннинг отилиши 10 мингдан ортиқ фуқарога таъсир кўрсатган. BNPB мамлакатдаги энг юқори огоҳлантириш даражасини эълон қилди ва одамларни вулқон кратеридан камида 7 километр узоқликда туришга чақирди.

Октябр охирларида Индонезиядаги энг фаол вулқонлардан бири Марапи ҳаракатга келганди. Тахминан 2,9 минг метр баландликда жойлашган вулқон январ ойидан бери иккинчи огоҳлантириш даражасида бўлиб келаётганди Лаванинг отилиши хавфи сабаб алпинистлар ва маҳаллий аҳолига кратерга 3 километрдан яқинроқ бориш тақиқланган.

Мавзуга оид

Эълонлар

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери

BI GROUPʼдан 25% гача чегирма билан бизнес класс хонадонлар

Орзуни амалга ошириш фурсати етди: саёҳат учун муносиб маскан

Шаржада ўтказилган Халқаро олимпиадада "Al-Jabr" мактаби ўқувчилари юқори натижаларга эришди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери

BI GROUPʼдан 25% гача чегирма билан бизнес класс хонадонлар

Орзуни амалга ошириш фурсати етди: саёҳат учун муносиб маскан

Шаржада ўтказилган Халқаро олимпиадада "Al-Jabr" мактаби ўқувчилари юқори натижаларга эришди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери