Қўшимча функционаллар
-
Тунги кўриниш
LG дунёдаги биринчи чўзилувчан дисплейни намойиш қилди
У 12 дюймдан 18 дюймгача чўзилади ва 100 ppi пиксел зичлигини ва тўлиқ RGB ранг хусусиятини сақлаб қолади.
Жанубий Кореянинг LG компанияси эгилувчан дисплей технологиясининг янги босқичи билан фахрланиб, 50 фоизга кенгаядиган ва 10 минг мартадан ортиқ чўзилишга бардош берадиган экранни намойиш қилди. Бу ҳақда Gizmochina ёзди.
2022 йилда тақдим этилган аввалги модел 12 дюймдан 14 дюймгача чўзилувчан эди. Янгиси 18 дюймгача чўзилади ва 100 ppi пиксел зичлигини ва тўлиқ RGB ранг хусусиятини сақлаб қолади.
LG ўз ихтиросини «Илғор дисплей технологияси» деб атамоқда. Ҳозирги эгилувчан экранлардан фарқли ўлароқ, янги дисплей шаклини ўзгартириши, букланиши, чўзилиши ва турли шаклни олиши мумкин. Келажакда бундай технология, масалан, ақлли соатларда ёки ҳатто кийимда ҳам қўлланилиши мумкин.
Бундай дисплейлар ўзининг ноёб чўзилувчанлигига қўшимча равишда юпқа, енгил ва 10 минг мартагача чўзилишга бардош бера олади. Ҳозир технологиянинг бозорга чиқарилиш санаси аниқланмаган, бироқ LG уни яқин бир неча йил ичида тижорат мақсадларида фойдаланиш учун тақдим этилишини кутмоқда.
Мавзуга оид
02:35 / 12.11.2024
NBC: Жанубий Корея президенти Трамп билан учрашув олдидан голф машғулотларини қайта бошлади
12:38 / 11.11.2024
Алишер Абдусаломов Жанубий Корея президентига ишонч ёрлиқларини топширди
00:08 / 11.11.2024
Жанубий Корея космосни тадқиқ этиш учун планетоход яратиш лойиҳасини ишга тушиди
18:54 / 09.11.2024