РФ собиқ офицери: ЯҚ тўлиқ жанговар тайёр ҳолатда сақланяпти

Дезертирлик қилган собиқ россиялик зобит BBC билан суҳбатда Россия ядро арсеналининг ҳолати ҳақида гапирди. Унинг сўзларига кўра, Россия ядро қуролини тўлиқ жанговар тайёр ҳолатда сақлаяпти.

Россиянинг Украинага кенг кўламли бостириб кириши куни Россия Федерациясидаги ядро арсеналини сақлаш базаларидан камида биттаси тўлиқ жанговар шай ҳолатга келтирилди. Бу ҳақда BBC медиа-корпорациясига РФ ядровий кучларининг Россияни тарк этган собиқ зобити маълум қилди. 26 ноябр, сешанба куни у билан суҳбатга асосланган материал чоп этилди.

«Бунга қадар биз фақат машғулотлар ўтказардик, аммо уруш бошланган куни биз денгиз ва ҳаво кучларини жойлаштиришга ва назарий жиҳатдан ядровий зарба беришга тайёр эдик», деди у.

2022 йил 27 февралда Россия президенти Владимир Путин Россия чегара қўшинларини махсус жанговар огоҳлантириш режимига ўтказишни буюрди.

BBC суҳбатдошига кўра, урушнинг биринчи кунида унинг базасида жанговар огоҳлантириш эълон қилинган ва унинг бўлинмаси «база ичида ёпилган». Юқори огоҳлантириш режими икки-уч ҳафтадан сўнг бекор қилинди, деди у.

«Ядро қуролини сақлаш бўйича ишлар давом этмоқда»

Британия корпорациясининг манбаси, унинг сўзларига кўра, тезкор реакция кучлари таркибига кирган. У Россия Федерациясида Совет Иттифоқида ишлаб чиқарилган ядро қуроллари жанговар тайёр бўлмаслиги мумкинлиги ҳақидаги даъволарни рад этди.

«Баъзи ҳудудларда эскирган қурол турлари бўлиши мумкин, аммо мамлакатда улкан ядро арсенали, жуда кўп жанговар каллаклар мавжуд, жумладан қуруқликда, денгизда ва ҳавода доимий жанговар патруллар бор», — дея таъкидлади у. Билдирилишича, ядро қуролини сақлаш ишлари давом этмоқда, у бир дақиқага ҳам тўхтамайди.

G7 РФнинг ядровий риторикасини қоралаб чиқди

G7 «Россиянинг масъулиятсиз ва таҳдидли ядровий риторикасини, шунингдек, стратегик қўрқитиш позициясини кескин қоралайди». Бу ҳақда G7 мамлакатлари ташқи ишлар вазирларининг 26 ноябр куни Италиянинг Фюжи шаҳрида бўлиб ўтган учрашуви якунлари бўйича баёнотида айтилди.

«Биз ҳеч қачон ядро қуролидан фойдаланиш таҳдидларига, Россиянинг Украинага қарши тажовузкор уруши контекстида ядро қуролидан фойдаланишига ҳеч қачон тоқат қилмаймиз», — дейилади ҳужжатда.

#ядро қуроли #РФ