1,6 млрд сўмлик газдан ноқонуний фойдаланган иссиқхона аниқланди

Фарғона шаҳридаги иссиқхона ўзбошимчалик билан табиий газ тармоғига уланиб, 1,6 млрд сўмлик зарар етказгани аниқланди.

Фото: Видеодан кадр

Фарғона шаҳрида кўп миқдордаги табиий газдан ноқонуний фойдаланиш ҳолати аниқланди.

Назорат тадбирларидан бирида шаҳарнинг "Шакарқишлоқ" МФЙда жойлашган иссиқхона текширилган. Тадбиркор ҳеч қандай ҳужжатларсиз ўзбошимчалик билан табиий газ тармоғига уланиб, ундан ноқонуний равишда фойдаланиб келган.

Ҳолат юзасидан далолатнома тузилиб, табиий газ сарфи қайта ҳисоб-китоб қилинди ва 1,6 миллиард сўмлик зарар аниқланди.

Тўпланган барча ҳужжатлар қонуний баҳо бериш учун ҳуқуқни муҳофаза қилувчи органларга юборилди.