Чехия Украина учун снарядлар сотиб олишни давом эттиришга ваъда берди

Чехия ҳукумати халқаро донорлар маблағлари ҳисобидан учинчи давлатлардан Украина учун артиллерия снарядларини сотиб олиш ташаббусини давом эттиради. Бу ҳақда Чехия президенти Петр Павел 15 феврал, шанба куни Мюнхен хавфсизлик конференциясида журналистларга маълум қилди.

Сиёсатчининг сўзларига кўра, ташаббус амалга оширилган бир йил давомида Украинага 1,6 миллион йирик калибрли ўқ-дорилар етказиб берилган. Етказиб бериш апрелгача кафолатланган, аммо Прага бундан кейин ҳам уларни давом эттириш ниятида.

Петр Павел: Тинчлик келишувига қадар Киевни қўллаб-қувватлаш керак

«Биз иттифоқчиларимиздан шу йилнинг апрелигача Украинанинг эҳтиёжларини қондириш учун етарли маблағ олдик. Ва бу ерда, бу конференцияда мен иттифоқчилар билан қўшимча ресурсларни таъминлаш бўйича музокаралар олиб бордим», деди Чехия президенти. «Биз ҳозир, масалан, марра чизиғи олдидан газ тепкисидан оёғимизни олишимиз керак эмас. Биз Украинани келишувга эришмагунимизча қўллаб-қувватлаймиз».

Чехия ҳукуматидаги аноним манбанинг Reuters агентлигига айтишича, 1,6 миллион снаряд 100 ммдан ортиқ калибрли ўқ-дорилардир. Улардан 500 000 га яқин снарядлар - НАТО стандартларига мос келадиган 155 мм калибрли.