«Сўнгги қўнғироқ» тадбирларида автомобил бошқарган ўқувчилар аниқланди

Улар орасида 5-синф ўқувчиси ҳам борлиги таъкидланмоқда.

Фото: ЙҲХХ

24 май куни Ўзбекистон мактабларида ўтказилган «Сўнгги қўнғироқ» тадбирларида ўқувчилар томонидан автомобилни ноқонуний бошқариш ҳолатлари аниқланди. Бу ҳақда ЙҲХХ хабар берди.

«Соат 14:00 ҳолатига кўра, республика бўйлаб вояга етмаганлар томонидан автомобил бошқариш билан боғлиқ 256 та ҳолат аниқланди. Улар орасида ҳатто 5-синф ўқувчиси ҳам бор», дейилади хабарда.

ЙҲХХ назорат тадбирлари давом эттирилишини маълум қилди ва ота-оналардан масъулиятли бўлишни сўради.