Россия элчиси: АҚШ билан навбатдаги музокаралар Москвада бўлиб ўтади

Россия ва АҚШ икки томонлама муносабатлардаги «қўзғатувчи хусусиятини берувчи» омилларни бартараф этиш учун маслаҳатлашувларни Москва ва Вашингтонга ўтказиш бўйича дастлабки қарорга келди. Музокаралар «яқин вақт ичида» Россия пойтахтида бўлиб ўтади. Бу ҳақда 10 июн, сешанба куни ТАСС агентлиги иқтибос келтирган Россиянинг АҚШдаги элчиси Александр Дарчиев маълум қилди.

«Муҳими, олдинга интилиш бор, гарчи мутлақо тескари бўлса-да бу жорий йилнинг 10 апрелида Истанбулда бўлиб ўтган маслаҳатлашувларнинг сўнгги раундида қабул қилинган уларни пойтахтларга кўчириш ҳақидаги дастлабки қарор каби аниқ натижа билан ўлчанади», деди дипломат. «Тасдиқлашим мумкинки, делегациялар ўртасидаги музокараларнинг навбатдаги раунди яқин орада Москвада бўлиб ўтади», — дея қўшимча қилди у.

Шу билан бирга, Дарчиев муносабатларни нормаллаштириш жараёнига АҚШ Конгрессидаги «чуқур давлат» ва «лочинлар» вакиллари халақит беришини даъво қилмоқда.

Музокараларнинг аввалги икки раунди 27 феврал ва 10 апрел кунлари Истанбулда бўлиб ўтган. Россия делегациясига Дарчиев, АҚШдан давлат котибининг Европа ва Евросиё масалалари бўйича ёрдамчиси ўринбосари Соната Коултер бошчилик қилган.