Air Arabia Ўзбекистонга ва яна тўққизта давлатга парвозларни тўхтатди

Бирлашган Араб Амирликларининг Air Arabia авиакомпанияси Исроилнинг 13 июнга ўтар кечаси Эронга берган зарбасидан кейин Ўзбекистон ва яна тўққизта давлатга парвозларни тўхтатди.

Самолётлар вақтинча учмайдиган давлатлар қаторига Эрон, Ироқ, Иордания, Арманистон, Россия, Озарбойжон, Гуржистон, Қирғизистон ва Қозоғистон ҳам киради.

13 ва 14 июнь кунлари парвозлар тўхтатилди. Бундан ташқари, «баъзи бошқа рейслар кечиктирилиши ёки йўналишини ўзгартириши мумкин».

Минтақадаги нотинчлик ортидан Исроил, Иордания, Эрон ва Ироқ ўз ҳаво ҳудудини ёпди.