Тошкент вилоятида ЙТҲ юз берди, жароҳат олганлар бор

Пискент туманида содир бўлган йўл-транспорт ҳодисаси юзасидан маълумот тақдим этилди.

Фото: Тошкент вилояти ИИББ ЙҲХБ

Бугун, 8 июл куни соат тахминан 09:00 ларда Тошкент вилояти Пискент тумани ҳудудидан ўтган Олмалиқ шаҳри ва Пискент туманларини боғловчи маҳаллий аҳамиятдаги автомобил йўлининг 14-километрида йўл-транспорт ҳодисаси юз берди.

Тошкент вилояти ИИББ ЙҲХБ хабарига кўра, Damas ва Cobalt русумли транспорт воситалари иштирокида ўзаро тўқнашган.

ЙТҲ натижасида 3 нафар ҳаракат иштирокчилари турли кўринишдаги тан жароҳатларини олиб, шифохонага ётқизилган.

Ҳозирда ҳолат юзасидан Пискент тумани ИИБ ходимлари томонидан терговга қадар суриштирув ишлари олиб борилмоқда.