Хитойда бир ҳафта ичида уч мингга яқин кишида чикунгуня безгаги аниқланди

Касаллик юқтирувчи чивинлар сабабли эпидемия профилактикаси ва назорати борасида жиддий муаммолар мавжудлиги айтилмоқда.

Фото: AP

Хитойнинг Гуандун провинциясида бир ҳафта ичида 2800 нафардан ортиқ инсонда чикунгуня безгаги аниқланди, деб хабар берди Хитой марказий телевидениеси.

Хабарга кўра, 27 июлдан 2 августга қадар вирус юқтириш билан боғлиқ 2892та янги ҳолат қайд этилган.

Эпидемия авж олиши жиловланди, бироқ касаллик юқтирувчи чивинлар сабабли унинг профилактикаси ва назорати борасида жиддий муаммолар мавжуд, деди Гуандун провинцияси касалликларни профилактика ва назорат қилиш марказининг юқумли касалликлар бўйича бош эксперти Кан Мин.

У профилактика сифатида турғун сувларни тозалаш, чивинларни ўлдириш ва уларнинг чақишига йўл қўймасликни тавсия қилди.

Тайёрлаган: Kun.uz Admin

#Хитой #безгак