Қирғизистонлик қизча шаҳар ҳокимидан онасини ишга жойлаштиришни сўради

Қирғизистоннинг Ўш шаҳри ҳокими Женишбек Токторбаевнинг шаҳарликлар билан учрашуви чоғида кичкина қизча унга мурожаат қилиб, онасини ишга жойлаштиришга ёрдам беришини сўради.

Воқеа видеога олиниб, тезда ижтимоий тармоқларда тарқалди. Фойдаланувчилар боланинг самимийлигидан таъсирланиб, унинг илтимосини қўллаб-қувватладилар.

 

 

 

 

View this post on Instagram

 

 

 

 

 

 

 

 

 

 

 

A post shared by PRESSA KG - Новости Кыргызстана (@pressa.kg)

Ҳоким қизчани диққат билан тинглади, кейин онасини чақиришни сўради. Ёрдам кўрсатилган ёки кўрсатилмагани ҳозирча номаълум, аммо воқеа жамоатчилик орасида қизғин муҳокамаларга сабаб бўлди.

Аввалроқ, ўшлик аёл шаҳар ҳокими Женишбек Токторбаевдан квартира сўраган эди. Аёлнинг айтишича, унинг уч нафар фарзанди ва турмуш ўртоғи бор. Аммо оила хароба уйда яшамоқда. «Биз ёрдамингизга муҳтожмиз. Ҳеч бўлмаса бир хонали квартира беришингизни сўрайман», деди у Токторбаевга юзланиб. Ҳоким оилани бошқа жойга кўчиришларини айтди.