АҚШ Полшага Javelin ракеталарини 780 млн долларга сотади

DSCA баёнотига кўра, Американинг Javelin танкка қарши ракеталарини Полшага сотиш «НАТО иттифоқчиси хавфсизлигини мустаҳкамлаш»га қаратилган. Битим бўйича якуний қарор АҚШ Конгресси қабул қилинади.

Фото: AP

АҚШ ҳукумати Javelin танкка қарши ракеталарини Полшага 780 миллион долларга (662 миллион евро) сотишни маъқуллади. 18 сентябр, пайшанба куни кечқурун Пентагоннинг ҳарбий ҳамкорлик ва хорижий қурол савдоси учун масъул бўлган Мудофаа хавфсизлиги бўйича ҳамкорлик агентлиги (DSCA) бу ҳаракат «Европадаги сиёсий ва иқтисодий барқарорлик учун ҳаракатлантирувчи куч бўлган НАТО иттифоқчиси хавфсизлигини мустаҳкамлаш орқали Қўшма Штатларнинг ташқи сиёсати ва миллий хавфсизлигини ривожлантиради» деб эълон қилди.

АҚШ Давлат департаменти аллақачон тегишли ҳажмда Javelin'ни сотишни маъқуллаган, DSCA эса АҚШ Конгрессини хабардор қилган, унинг қарори орқали битим якуний тарзда тасдиқланади, деб хабар беради AFP.

Уч ярим йилдан ортиқ вақтдан бери Украинага қарши агрессив уруш олиб бораётган Россия таҳдидидан хавотирланиб, Полша қуролли кучларини модернизация қилди ва биринчи навбатда АҚШ ва Жанубий Корея билан қурол етказиб бериш бўйича қатор шартномалар имзолади.