Доналд Трамп "Антифа"ни террористик ташкилот деб атади

АҚШ президентининг сўзларига кўра, "Антифа" «касалланган, хавфли, радикал сўл фалокат»дир. Доналд Трамп ҳаракатни молиялаштириш манбаларини текширишни тавсия этишга ваъда берди.

Фото: REUTERS

АҚШ президенти Доналд Трамп «Антифа» ҳаракатини «йирик террорчи ташкилот» деб эълон қилишга тайёрланаётганини маълум қилди. У бу ҳақда ўзининг Truth Social ижтимоий тармоғидаги аккаунтида эълон қилди. Постда айтилишича, "Антифа" «касалланган, хавфли, радикал сўл фалокат».

АҚШ президенти "Антифа"ни молиялаштирган шахсларни «юқори ҳуқуқий стандартлар ва амалиётларга мувофиқ» текширишни «қаттиқ тавсия этишини» қўшимча қилди.

Бир қанча оммавий ахборот воситаларининг ёзишича, Трамп бу ҳақда АҚШда сиёсий фаол Чарли Киркнинг ўлдирилишидан кўп ўтмай айтган. Кирк америкалик ўнг вакиллар янги авлодининг овози ва Доналд Трампнинг яқин ҳамкори ҳисобланган.

Трамп аввалроқ "Антифа"ни террорчи ташкилот сифатида белгилаш нияти борлигини биринчи президентлик даврида Black Lives Matter норозиликлари чоғида эълон қилган эди.