Макрон Трампнинг Кремлга нисбатан риторикаси ўзгарганини олқишлади

Франция раҳбарининг сўзларига кўра, у Америка президенти «Украинанинг нафақат чидаш, балки ўз ҳуқуқларини ҳимоя қилиш қобилиятига ишонишидан» хурсанд.

Фото: Angela Weiss/AFP

Франция президенти Эммануэл Макрон АҚШ президенти Доналд Трампнинг Россияга нисбатан риторикасини ўзгартирганини олқишлади. Франция раҳбари 23 сентябр, сешанба куни Ню-Йоркдаги БМТ Бош ассамблеяси олдидан: «Америка президенти Украинанинг нафақат чидаш, балки биз билан бирга ўз ҳуқуқларини ҳимоя қилиш қобилиятига ишонаётганидан хурсандман», деди.

У АҚШ президентининг Россия иқтисодиётининг заифлашгани ва Россиянинг муваффақиятсизликларига ишора қилган баёнотларини олқишлади. «1000 кундан ортиқ вақт ичида — кўп сонли йўқотишлар ва кўплаб тинч аҳоли қурбонларига қарамай, Россия Украина ҳудудининг атиги бир фоизини босиб олди», — дея қўшимча қилди Макрон.

Шу куни Доналд Трамп Европа Иттифоқи кўмагида «Украина ўзининг собиқ чегараларидаги барча ҳудудини жанг қилиш ва қайтариб олишга қодир»лигига ишонч билдирди. Бу ҳақда Оқ уй раҳбари Ню-Йоркда Украина етакчиси Володимир Зеленский билан учрашувдан сўнг Truth Social ижтимоий тармоғида ёзган.

«Вақт, сабр ва Европанинг, хусусан, НАТОнинг молиявий ёрдами билан бу урушда асл чегараларни тиклаш мумкин», — деди Америка раҳбари. Унинг қўшимча қилишича, Россия уч ярим йилдан бери уруш олиб бормоқда, бу ғалаба учун ҳақиқий ҳарбий куч «бир ҳафтадан кам вақт олади».