Дания дрон ҳақидаги хабарлардан сўнг қирувчиларни ҳавога кўтарди

F-35 қирувчи самолётлари «чалғитувчи операция» доирасида Борнҳолм ороли узра учиб ўтди», дейилади полиция хабарида. Мамлакатнинг ҳаво ва ҳарбий объектлари устида номаълум дронлар кўпроқ учрамоқда.

Фото: Bo Amstrup/Ritzau Scanpix/picture alliance

Сўнгги кунларда номаълум учувчисиз учиш аппаратлари (УУА) билан боғлиқ ҳодисалар ортиб бораётган бир пайтда Дания қирувчи самолётларини ҳавога кўтарди. 28 сентябр, якшанба куни кечқурун ҳарбий самолёт Борнҳолм ороли узра бир нечта парвозларни амалга оширди, деб хабар берди маҳаллий полиция TV 2 телеканалига. Уларга кўра, бу «чалғитувчи операция» бўлган.

Иккита F-35 қирувчи самолёти иштирок этди, деб хабар берди Berlingske нашри полицияга таяниб. Дания қуролли кучлари маълумотни тасдиқламади ва изоҳ бермади.

Бундан ташқари, кеча давомида полиция учувчисиз учоқлар кузатилгани ҳақида кўплаб хабарларни олди. Бунга жавобан у ўз патруллари ёрдамида текширув ўтказди. «Бугун - юлдузли тун. Айнан шу нарса хабарларнинг кўп бўлишига сабаб бўлган», — дея тушунтирди ҳуқуқ-тартибот идоралари.