Киев: Чернобил АЭС электр таъминоти тикланди

Украина энергетика вазирлиги 2 октябр, пайшанбага ўтар кечаси Киев вилоятининг Славутич шаҳридаги энергетика инфратузилмасига Россия уюштирган авиазарба оқибатида узилиб қолган Чернобил АЭС электр таъминоти тўлиқ тикланганини маълум қилди. Вазир Светлана Гринчукнинг сўзларига кўра, объектдаги радиация даражаси назорат даражасидан ошмайди, аҳоли учун хавф йўқ.

Россия кучлари 1 октябр, чоршанба куни Киев вилоятининг Славутич шаҳридаги энергетика инфратузилмасига зарба бериши оқибатида Чернобил атом электр станцияси (ЧАЭС)нинг 4- блоки устидаги саркофаг электр энергиясидан маҳрум бўлди. Украина энергетика вазирлиги станцияда фавқулодда ҳолат юз берганини даъво қилди.

Энергетика вазирлигининг маълум қилишича, электр қувватидаги кескин ўзгаришлар натижасида Чернобил АЭСнинг шикастланган 4-блокини изоляция қилувчи ва радиоактив моддаларнинг атроф-муҳитга тарқалишини олдини оладиган асосий объект — Янги хавфсиз конфайнмент электрсиз қолди.

Президент Володимир Зеленский кейинроқ хабар берганидек, Чернобил АЭСдаги блэкаут уч соатдан ортиқ давом этди.

https://www.dw.com/ru/kiev-soobsil-o-vosstanovlenii-energosnabzenia-cernobylskoj-aes/a-74209409