Фарғонада Nexia мактаб олдида уч ўқувчини уриб юборди

Фарғона вилояти Марғилон шаҳрида 16 октябр куни ҳайдовчи йўлни кесиб ўтаётган пиёдаларни уриб юборди, деб хабар берди вилоят йўл ҳаракати хавфсизлиги бошқармаси.

Соат 12:30 атрофида Марғилоний кўчасида Nexia 1 ҳайдовчиси (1998 й.т.) 33-сонли умумтаълим мактаби олдидаги тартибга солинмаган пиёдалар ўтиш жойидан йўлни кесиб ўтаётган 3 нафар ўқувчини уриб юборган.

Дастлабки маълумотларга кўра, ЙТҲ оқибатида 1 нафар ўқувчи даволаниш учун шифохонага юборилган, 2 нафарига биринчи тиббий ёрдам кўрсатилган.

Ҳозирда ушбу ҳолат юзасидан терговга фадар текширув ҳаракатлари олиб борилмоқда.