Қўшимча функционаллар
-
Тунги кўриниш
ЮНЕСКО сессияси доирасида Ўзбекистон–Украина мулоқоти бўлиб ўтди
ЮНЕСКО Бош конференциясининг 43-сессияси доирасида Ўзбекистон ТИВнинг биринчи ўринбосари Баҳром Аълоев Украина ТИВ ўринбосари Маряна Беца билан учрашув ўтказди. Томонлар икки томонлама муносабатлар ва халқаро ташкилотлар доирасидаги ҳамкорликни муҳокама қилди.
Фото: “Дунё” АА
“Дунё” АА хабарига кўра, суҳбат чоғида Ўзбекистон–Украина муносабатларининг долзарб йўналишлари, қўшма ташаббусларни амалга ошириш имкониятлари ҳамда халқаро тузилмалар майдонида ўзаро қўллаб-қувватлаш масалалари муҳокама этилди.
Маряна Беца ЮНЕСКО Бош конференциясининг 43-сессияси Самарқанд шаҳрида ўтказилганини юқори баҳолаб, бу тадбир Ўзбекистоннинг халқаро мулоқот маркази сифатидаги мавқеини яна бир бор тасдиқлаганини таъкидлади.
Учрашув якунида томонлар конструктив мулоқотни давом эттириш, амалий ҳамкорлик лойиҳаларини ишлаб чиқиш ва халқаро платформаларда ўзаро ҳамжиҳатликни чуқурлаштиришга тайёр эканини билдирди.
Мавзуга оид
09:21
ОАВ: Лондон Украинага РФнинг 9 млрд евролик активларини топширишга тайёр
23:21 / 04.12.2025
Украина аҳолиси 42 миллиондан 36 миллионгача камайди – ОАВ
23:00 / 04.12.2025
Америка делегацияси Зеленский билан учрашувни бекор қилган — ОАВ
21:45 / 04.12.2025