Трамп тинчлик режаси Украина учун якуний таклиф эмаслигини айтди

АҚШ президенти Доналд Трамп журналистларнинг Украинага сўнгги таклиф ҳақидаги саволига салбий жавоб берди.

Америка тинчлик режаси муҳокамаси фонида ундан «Бу сизнинг Украинага охирги таклифингизми?» деб сўрашди. Бунга Трамп «йўқ» деб жавоб берди.

Оқ уй раҳбари фақатгина «узоқ вақт олдин юз бериши керак бўлган» тинчликка эришмоқчи эканини қўшимча қилди. Ва агар ўзи президент бўлганида, можаро юз бермас эди, деб яна бир бор айтди. «Биз бу урушни қандай бўлмасин тугатишга ҳаракат қиляпмиз», деди у.

Трамп бир кун аввал Fox Radio эфирида «Шукроналик куни»га тўғри келадиган 27 ноябрни Украина таклифга рози бўлиши учун «мос муддат» деб атади. Унинг сўзларига кўра, агар «ишлар яхши кетса», унда муддатларни кўчириш мумкин.

Америка етакчисининг фикрича, Украина президенти Владимир Зеленскийнинг қўлида «карта йўқ» ва у келишувни маъқуллаши керак.

Украина раҳбари Трампнинг режасини изоҳлар экан, Киев «жуда қийин танлов» олдида қолиши мумкинлигини таъкидлади: «ё 28 пункт» ёки «қадр-қимматни йўқотиш ва асосий ҳамкорни йўқотиш хавфи».

Россия президенти Владимир Путин Америка тинчлик режасини шарҳлар экан, шундай деди: «Ўйлайманки, у ҳам якуний тинчлик келишувига асос бўлиши мумкин. Аммо бу матн биз билан мавзу жиҳатидан муҳокама қилинмади. Сабабини тахмин қилишим мумкин. Менимча, сабаби ўша-ўша. АҚШ маъмурияти ҳалигача Украина томонининг розилигини ололмаяпти. Украина қарши».