Суперлигада қолиш учун плей-офф ўйинларида қатнашадиган жамоалар маълум бўлди

Лигада қолиш учун 4 та клуб кураш олиб боради. 5 декабр куни ўтказиладиган плей-офф ўйинларида "Қўқон-1912" ва "Машъал" "Хоразм" ва "Бухоро"ни ўз майдонларида қабул қилади.

Фото: pfl.uz

Бугун футбол бўйича Ўзбекистон Суперлигаси якунига етди.

30-турнинг сўнгги ўйинларида ғалаба қозонган "Андижон" ва "Сурхон" клублари Суперлигада қолиш вазифасини бажарди. 16-ўринни банд этган "Шўртан" эса Про лигага тушиб кетди.

Бу ўйинларда ғалабага эришган жамоалар Суперлигада қолади. Мағлубиятга учраган икки клуб эса 10 декабр куни нейтрал майдонда ўзаро куч синашади. Мазкур баҳс ғолиби Суперлигада қолади, ютқазган жамоа "Арал" билан сўнгги йўлланма учун курашади.

Бу йил Суперлигада "Нефтчи" 24 йиллик танаффусдан кейин чемпионликка эришди. "Пахтакор" иккинчи, "Насаф" учинчи ўринни эгаллади.