Гулистондаги газбаллон портлашида қурбонлар борлиги тасдиқланди

Ижтимоий тармоқларда тарқалган видеолардан кадрлар

2 декабр куни Гулистон шаҳридаги бозорлардан бирида газбаллон портлаши оқибатида 3 киши касалхонада ҳалок бўлган. Бу ҳақда шифокорларга таяниб, Гулистонда бўлиб турган Kun.uz мухбири хабар бермоқда.

Сирдарё вилояти ИИБ хабарига кўра, ҳолат юзасидан Жиноят кодексининг 257-моддаси 2-қисми (одам ўлишига олиб келган меҳнатни муҳофаза қилиш қоидаларининг бузилиши) билан жиноят иши қўзғатилиб, 1 киши процессуал тартибда қамоққа олинган.

Аввал хабар қилинганидек, портлаш Гулистон шаҳрининг Тараққиёт маҳалласи ҳудудида жойлашган МЧЖдаги ошхонада содир бўлган. Вилоят ФВБ ҳолат юзасидан қўшимча маълумот берилишини маълум қилган эди, лекин бундай бўлгани йўқ.