Ўзбекистонга даволаниш учун келганларнинг 70 фоизга яқини Тожикистондан

2025 йилнинг январ–октябр ойларида даволаниш мақсадида Ўзбекистонга келган 75 666 нафар хорижликнинг қарийб 70 фоизи (тахминан 70,1 фоиз) Тожикистон фуқаролари ҳиссасига тўғри келган.

Миллий статистика қўмитаси маълумотларига кўра, ҳисобот даврида Ўзбекистонга даволаниш учун келган хориж фуқаролари орасида Тожикистон — 53 045 нафар билан етакчилик қилган. Кейинги ўринларда Қирғизистон — 13 038 нафар ва Қозоғистон — 6 979 нафар билан қайд этилган.

Шунингдек, Россиядан 1 709, Афғонистондан 533, Туркманистондан 215, Туркиядан 43, АҚШдан 15, Хитойдан 14, Озарбойжондан 10 нафар фуқаро даволаниш мақсадида келган. Бошқа давлатлар ҳиссаси 65 нафарни ташкил этган.

Умуман олганда, статистикага кўра, даволаниш учун келувчиларнинг асосий қисми қўшни давлатлар ҳиссасига тўғри келган.