Фарғонада жамоат тартибини бузган аёллар маъмурий жавобгарликка тортилди

Улар спиртли ичимлик истеъмол қилиб, маст ҳолатда фуқароларнинг тинчлигини бузаётганлиги аниқланган.

Фото: ИИБ

Фарғона вилояти ИИБ ахборот хизмати хабарига кўра, 29 ноябр куни Фарғона шаҳар Тарона кўчасида тонгги соат 4ларда 2003 йилда туғилган М.Ғ. ва 2004 йилда туғилган Ф.О. спиртли ичимлик истеъмол қилиб, маст ҳолатда шу ҳудудда яшовчи фуқароларнинг тинчлигини бузаётганлиги аниқланган.

Ушбу шахсларни тинчлантириш мақсадида етиб борган ИИО ходимларининг қонуний талабларини бажармасдан фаол қаршилик кўрсатишган.

Мазкур ҳолат юзасидан уларга нисбатан Маъмурий жавобгарлик тўғрисидаги кодекснинг 183, 194-моддаларига асосан маъмурий баённомалар расмийлаштирилиб, тегишли суд органига юборилди.