Тикув-трикотаж ва чарм саноатига имтиёзли солиқ ставкалари жорий этилди

Янги қонун билан айрим қонун ҳужжатларига қўшимча ва ўзгартиришлар киритилиб, тикув-трикотаж, пойабзал ҳамда чарм-атторлик саноати йўналишларида ишлаб чиқариш фаолиятини юритаётган тадбиркорлик субъектлари учун имтиёзли солиқ ставкалари белгиланди.

Фото: Kun.uz

Қонунга мувофиқ, 2025 йил 1 январдан 2028 йил 1 январга қадар бўлган даврда мазкур йўналишларда ишлаб чиқариш фаолиятини амалга ошираётган тадбиркорлик субъектлари фойда солиғини 2 фоиз, ижтимоий солиқни эса 1 фоиз миқдордаги солиқ ставкалари бўйича тўлайди.

Мазкур норма соҳа корхоналарини қўллаб-қувватлаш, ишлаб чиқариш ҳажмларини ошириш ҳамда иш ўринларини сақлаб қолиш ва кенгайтиришга хизмат қилиши кўзда тутилган.

Қонун 2025 йил 25 декабрда қабул қилинган.

Тайёрлаган: Отабек Матназаров

#солиқ #тикув-трикотаж #чарм саноати