Винус Уилямс Australian Open рекордини ўрнатди

Уилямс фаолияти давомида Мелбурнда яккалик баҳсларида икки марта финалгача борган, тўрт марта жуфтлик баҳсларида ва бир марта микстда чемпион бўлган.

Фото: Getty Imagеs

Америкалик теннисчи, 45 ёшу 215 кунлик бўлган Винус Уилямс Australian Open турнирида энг ёши катта теннисчи аёл сифатида рекорд ўрнатди.

Уилямс турнирда wild card олди ва биринчи давра баҳсида сербиялик Олга Даниловичга 7:6 (7:5), 3:6, 4:6 ҳисобида мағлуб бўлди.

У Australian Open мусобақасида беш йил ичида илк бор ўйнади.

Уилямс шунингдек, россиялик Екатерина Александрова билан жуфтлик разрядида ҳам қатнашади, уларнинг баҳси 20 январ куни бўлиб ўтади. Александрова ҳам биринчи давранинг яккалик разрядида мағлубиятга учраган.

Уилямс фаолияти давомида Мелбурнда яккалик баҳсларида икки марта финалгача борган (2003, 2017 йиллар), тўрт марта жуфтлик баҳсларида (2001, 2003, 2009, 2010 йиллар) ва бир марта микстда (1998 йил) чемпион бўлган.

Тайёрлаган: Дилшодбек Асқаров

#теннис #Australian Open #Винус Уилямс