Қўшимча функционаллар
-
Тунги кўриниш
Саида Мирзиёева Қозоғистон Сенати раиси Маулен Ашимбаев билан учрашди
Президент администрацияси раҳбари Саида Мирзиёева Қозоғистон Парламенти Сенати раиси Маулен Ашимбаев билан учрашув ўтказганини маълум қилди. Томонлар Ўзбекистон–Қозоғистон муносабатларининг жадал ривожланаётгани, парламентлараро мулоқот ва ҳамкорликни кенгайтириш истиқболларини муҳокама қилган.
Фото: Саида Мирзиёева / Telegram
Саида Мирзиёеванинг таъкидлашича, учрашув самимий ва дўстона руҳда ўтган. Суҳбатда Ўзбекистон ва Қозоғистон ўртасида олий даражадаги ўзаро ишонч ҳамда яқин мулоқотга асосланган муносабатлар изчил мустаҳкамланиб бораётгани қайд этилган.
Шунингдек, томонлар 2025 йил икки томонлама ҳамкорлик учун муҳим ва самарали босқич бўлганини мамнуният билан эътироф этган.
Учрашувда парламентлараро мулоқотлар, савдо-иқтисодий ҳамда маданий-гуманитар алоқаларни янада кенгайтириш масалалари хусусида фикр алмашилган.
Саида Мирзиёева мамлакатлар ўртасидаги амалий ҳамкорлик бундан буён ҳам изчил ривожланиб боришига ишонч билдирган.
Мавзуга оид
11:53
Қозоғистон суди Россиядан қочган дезертирга бошпана беришни рад этди
18:41 / 05.02.2026
Саида Мирзиёева «Инсоний биродарлик» мукофоти ғолибларини тақдирлаш маросимида иштирок этди
09:48 / 04.02.2026
“Инсоний биродарлик учун амалда ишлайдиган қонунлар керак” — Саида Мирзиёева
18:06 / 03.02.2026