Қўшимча функционаллар
-
Тунги кўриниш
Ўзбекистон | 11:31
1269
2 дақиқада ўқилади
Тошкентда арзонлаштирилган озиқ-овқат ярмаркалари ташкил этилди
Президент топшириқлари ижроси доирасида муборак Рамазон ойи муносабати билан Тошкент шаҳри туманларида аҳолини арзон ва сифатли озиқ-овқат маҳсулотлари билан таъминлаш мақсадида махсус ярмаркалар йўлга қўйилди.
Рамазон ойи муносабати билан Тошкент шаҳри туманларида арзонлаштирилган озиқ-овқат маҳсулотлари ярмаркалари ташкил этилди. Ушбу ярмаркалар аҳолини асосий озиқ-овқат маҳсулотлари билан қулай ва мақбул нархларда таъминлашга қаратилган.
Шунингдек, ярмаркалар орқали бозорларда нархларнинг сунъий равишда оширилишининг олдини олиш ҳам кўзда тутилган.
Ярмаркалар қуйидаги манзилларда ташкил этилган:
- Яшнобод тумани — «Авиасозлар» деҳқон бозори;
- Яккасарой тумани — «Аския» деҳқон бозори;
- Чилонзор тумани — Чилонзор деҳқон бозори;
- Миробод тумани — Миробод деҳқон бозори;
- Мирзо Улуғбек тумани — «Наврўз» деҳқон бозори;
- Юнусобод тумани — «Олой» деҳқон бозори ва Юнусобод деҳқон бозори;
- Сергели тумани — Сергели деҳқон бозори;
- Учтепа тумани — «Фарҳод» деҳқон бозори;
- Шайхонтоҳур тумани — «Эски Жува» деҳқон бозори;
- Бектемир тумани — «Қўйлиқ» деҳқон бозори;
- Олмазор тумани — «Қорақамиш» деҳқон бозори.
Маълум қилинишича, ярмаркалар Рамазон ойи давомида аҳолини озиқ-овқат маҳсулотлари билан барқарор таъминлашга хизмат қилади.
