«Метан заправкалар» фаолияти вақтинча тўхтатилди

4 март куни соат 19:00 дан 5 март куни соат 10:00 гача «метан заправкалар» ишламайди.

Фото: Kun.uz

Ҳаво ҳарорати пасайиши сабабли 4 март куни соат 19:00 дан 5 март куни соат 10:00 гача «метан заправкалар» фаолиятига вақтинча чеклов киритилади, деб хабар берди Энергетика вазирлиги.

«Республика ҳудудларига совуқ ва нам ҳаво массалари кириб келиши натижасида табиий газга бўлган талаб ошди. Шу боис магистрал газ қувурларида босимнинг пасайиши кузатилмоқда. Шундай ҳолларда биринчи навбатда аҳоли хонадонлари, шунингдек, ижтимоий соҳа объектларини табиий газ билан узлуксиз таъминлаш устувор вазифа ҳисобланади. Шу муносабат билан, бугун, 4 март куни соат 19:00 дан 5 март куни соат 10:00 гача Республикамиздаги «метан заправкалар» фаолиятига вақтинча чеклов жорий этилади», дейилади хабарда.

Таъкидланишича, ижтимоий соҳа объектларига хизмат кўрсатувчи ва жамоат транспорт воситалари учун газ таъминоти чекловларсиз, барқарор тарзда таъминланади.