"Янги дарахт — янги нафас" республика экочемпионати ўтказилади

Жорий йилнинг 10 март куни "Янги дарахт — янги нафас" республика экочемпионати ўтказилади.

Унда ўқувчилар, талабалар, давлат ва нодавлат нотижорат ташкилотлари вакиллари ҳамда 18 ёшдан 70 ёшгача бўлган барча фуқаролар иштирок этишлари мумкин.

Экочемпионат "Яшил макон" умуммиллий лойиҳаси доирасида "2030 йилгача бўлган даврда аҳолининг экологик маданиятини юксалтириш концепцияси"да белгиланган вазифаларни бажариш, Ўзбекистонда дарахт кўчатларини экиш орқали иқлим ўзгариши ва унинг оқибатларини юмшатиш, аҳоли, жумладан, ёшлар ўртасида дарахт кўчатларини экиш тадбирларини оммалаштириш, аҳоли орасида дарахт экиш тадбирларини миллий қадрият сифатида тарғиб қилиш, инсонларнинг кўчат экиш бўйича билим ва тажрибасини ошириш ҳамда экологик маданиятни шакллантириш мақсадида ташкил этилмоқда.

Чемпионатда қатнашиш истагида бўлган фуқаролар ҳудудий Экология ва иқлим ўзгариши бош бошқармаларига мурожаат қилишлари мумкин.

Чемпионат ҳақида тўлиқ маълумотни ушбу ҳавола орқали олиш мумкин.