URL тили: интернетнинг яширин лингвистик харитаси

Инглиз тили амалда интернетнинг асосий тилига айланган: унинг тармоқдаги улуши бошқа ҳар қандай тилдан анча устун. Бироқ веб-манзилларда энг кўп қўлланадиган тиллар ҳар доим ҳам улар она тили бўлган одамлар сонини акс эттирмайди.

Фото: Adobe Stock

Янги инфографика URL-манзилларда қайси тиллар энг кўп ишлатилишини кўрсатади ва уларнинг улушини дунёдаги шу тиллар она тили бўлган аҳоли сони билан таққослайди. Маълумотлар 2025 йил статистикасига асосланган.

Иккинчи ўринда немис тили туради — барча URL-манзилларнинг тахминан 7 фоизи. Шу билан бирга, тадқиқотда келтирилган тиллар орасида унинг она тили сифатидаги улуши энг паст: дунё аҳолисининг атиги тахминан 0,9 фоизи уни она тили деб ҳисоблайди. Германиядан ташқари, немис тили Австрия, Швейцария, шунингдек Италиянинг айрим ҳудудлари ва қўшни Европа мамлакатларида ҳам кенг қўлланади.

Барча URL’нинг тахминан 6 фоизи рус тилида ёзилган, ҳолбуки дунё аҳолисининг тахминан 1,8 фоизи уни она тили деб билади — асосан собиқ Совет Иттифоқи мамлакатларида.

Қизиғи шундаки, хитой тили сайёрадаги энг кенг тарқалган тиллардан бири ҳисобланади: дунё аҳолисининг 16,3 фоизи учун у она тилидир, биринчи навбатда бу мандарин тилидир. Шунга қарамай, URL-манзилларнинг атиги тахминан 5 фоизида хитой тили қўлланади.

Испан тили ҳам интернетда унинг соҳиблари сонига нисбатан кутилгандан камроқ намоён бўлган: у URL’нинг тахминан 4 фоизида ишлатилади, ҳолбуки дунё аҳолисининг тахминан 5,9 фоизи уни она тили деб билади.

URL-манзилларнинг тахминан 21 фоизи «бошқалар» тоифасига киради, бу эса кўплаб тиллар фақат кам сонли сайтларда учрашини англатади. Агар юқорида санаб ўтилган тиллар, шунингдек япон ва француз тиллари ҳисобга олинмаса, қолган она тиллар жами ҳолда дунё аҳолисининг 68,1 фоизини ташкил этади.