Мутахассис юрак учун энг фойдали олти маҳсулотни айтди

Юрак соғлом бўлиши учун рационга олти хил маҳсулотни киритиш зарур: булар авокадо, сули ёрмаси, қорағат, помидор, ёнғоқ ва исмалоқ.

Овқатланиш бўйича мутахассис Беке Эндерштейннинг сўзларига кўра, сули ёрмаси таркибида холестерин миқдорини камайтиришга ёрдам берадиган бета-глюкан мавжуд.

Помидорда юрак-қонтомир касалликлари ривожланишининг олдини олувчи ликопин моддаси бор.

Ёнғоқ ва авокадо омега-3 ёғ кислоталарига бой бўлиб, қонтомирларига ижобий таъсир кўрсатади.

Қорағат ва исмалоқда эса кўп миқдорда антиоксидантлар бўлиб, улар юрак ва қон томир ҳужайраларини ҳимоя қилишга ёрдам беради.

«Бу маҳсулотларнинг барчасини осонгина топиш ва кундалик рационга киритиш мумкин», — деди мутахассис.