Май ойида "Самарқанд 2028" сунъий йўлдоши учирилиши кутилмоқда

Жорий йилнинг май ойида "Самарқанд 2028" сунъий йўлдоши учирилиши кутилмоқда, деб хабар бермоқда Uzcosmos агентлиги.

Агентлик хабарига кўра, бу ҳақда Тошкентда ўтган Space Technology Conference 2026 халқаро анжуманида маълум қилинди.

Қайд этилишича, "Самарқанд 2028" сунъий йўлдоши Хитойнинг StarVision компанияси томонидан ишлаб чиқилган.

Uzcosmos агентлигининг эслатишича, ўтган йили томонлар сунъий йўлдош технологияларини ривожлантириш, қўшма лойиҳаларни амалга ошириш, илмий ва технологик интеграцияни кучайтириш каби қатор йўналишларда ҳамкорлик қилиш бўйича меморандум имзолаган.

“Мазкур икки томонлама алоқаларнинг амалий ифодаси эса Хитой томонидан фазога учирилиши режалаштирилган гиперспектрал сунъий йўлдошга “Самарқанд 2028” номи берилгани бўлди. Мазкур лойиҳа ўзаро ҳамкорлик доирасидаги энг муҳим ташаббуслардан биридир”, дейилади агентлик хабарида.