Xiaomi янги ноутбукларини сотувга чиқарди

Фото: Xiaomi

Xiaomi компанияси янги авлод бюджет ноутбуклари — Redmi Book 2026 моделларини сотувга чиқарди. Улар икки хил ўлчамда бўлиб, техник жиҳатдан деярли фарқ қилмайди.

Ҳар икки ноутбук Intel Core Ultra 5 125H процессорида ишлайди ва 16 ГБдан 32 ГБгача LPDDR5X тезкор хотирага эга.

14 дюймли версия 2880×1800 аниқликдаги 120 Гц частотали экран билан жиҳозланган бўлиб, оғирлиги 1,49 кг.

16 дюймли модел 2560×1600 аниқликка эга ва у ҳам 120 Гц частотали. Оғирлиги эса 1,86 кг.

Ноутбуклар иккита USB-A 3.2 Gen 1, 3,5 мм аудио тирқиш, HDMI чиқиши ва иккита USB-C порти билан жиҳозланган.

Redmi Book 14 2026 нархи 16+512 ГБ версияси учун 5499 юан (тахминан 806 доллар)дан бошланади, худди шу хотира ҳажмига эга 16 дюймли Redmi Book 16 2026 эса 5699 юан (тахминан 836 доллар) туради.