CBS: Эрон Ҳўрмуз бўғозида Американинг икки эсминецига ҳужум қилди

АҚШ ҳарбий-денгиз кучларининг «Тракстон» (USS Truxtun) ва «Мейсон» (USS Mason) номли эскадрон мина ташувчилари Ҳўрмуз бўғозида эронлик ҳарбийлар ҳужумига учради. Бу ҳақда АҚШ қуролли кучларидаги манбалар CBS News’га маълум қилишган.

Нашр суҳбатдошларининг сўзларига кўра, ушбу кемаларга Эрон катери, ракеталари ва дронлари мувофиқлаштирилган тарзда ҳужум қилишган. Ҳужум шиддатли тус олганига қарамай, эсминецлар шикастланмаган.

Суҳбатдошлар АҚШ ҳарбий-денгиз кучлари кемалари Apache вертолётлари ҳамроҳлигида Ҳўрмуз бўғозидан муваффақиятли ўтиб, Форс кўрфазига чиққан.

Америка ҳарбий кемаларининг Форс кўрфазига ўтиши – АҚШ президенти Доналд Трамп маъмуриятининг «Озодлик лойиҳаси» номли янги ташаббусининг бир қисми бўлиб, унинг доирасида АҚШ флоти Ҳўрмуз бўғозида қолиб кетган тижорий кемаларни хавфсиз олиб чиқишни режалаштирган.

АҚШ марказий қўмондонлиги олдинроқ Америка ҳарбийлари Эрон томонидан Ҳўрмуз бўғози орқали ўтаётган АҚШ ҳарбий кемалари ҳамда савдо кемаларига қарата учирган ракета ва дронларни уриб туширганини хабар қилганди. Шунингдек, марказий қўмондонлик раҳбари, адмирал Брэд Купер Эроннинг еттита катери йўқ қилинганини маълум қилган. Бошқа тафсилотлар келтирилмаган.

Эрондагилар «Озодлик лойиҳаси» амалиёти ўт очишни тўхтатиш тартибини бузиш деб ҳисобланиши ва бўғозга кирадиган Америка кемаларига ҳужум қилинишидан огоҳлантирган. Трамп эса бунга жавобан агар эронликлар ушбу амалиётда иштирок этаётган Америка кемаларига ҳужум қиладиган бўлса, Эронни «ер юзидан супуриб ташлаш» билан таҳдид қилган. 

Эрон март ойи бошидаёқ Ҳўрмуз бўғозини кемалар ҳаракати учун ёпиб қўйган, бу эса дунёда нефт нархи кескин кўтарилишига олиб келган. Урушга қадар жаҳонда ташиладиган нефтнинг 20 фоиз қисми Ҳўрмуз бўғози орқали ўтган.