Июнда сабзавотлар нархи тушди, энергия ва бензин қимматлашди - Статқўм

Таҳлилга кўра, асосий озиқ-овқат маҳсулотлари орасида гуруч ва гуруч оқшоғи — 2,3 %га, гречка — 1,2 %га, пастеризация қилинган сут — 1,2 %га, шакар, қўй гўшти, суяксиз мол гўшти — 1%га, тухум — 0,8%га, тирик ва музлатилган балиқ нархлари ўртача 0,7 %га ошгани қайд этилди.

Бир ой давомида асосий мева–сабзавот маҳсулотларидан бақлажон — 46,6 %га, помидор — 38,3 %га, булғор қалампири — 31,4 %га, тарвуз — 26,3 %га, бодринг — 25 %га, узум — 18,7 %га, саримсоқпиёз — 13,5 %га, картошка — 12,8 %га, карам — 5,6 %га, банан — 5,9 %га ва кўкатлар нархлари — 4,4 %га арзонлашди. Сабзи — 6,5 %га ва пиёз — 3,6 %га қимматлашди.

Ой давомида республика бўйича ўртача ҳисобда электр энергияси 9,6 %га, тармоқ гази 10,7 %га қимматлашди.

Июн ойида бензиннинг АИ-92 маркаси — 3,6 %га, АИ-95 маркаси — 6 %га, АИ-98 ва АИ-100 маркалари эса — 3,9 %га қимматлашди. Пропан нархи ой давомида 11,3 %га, метан нархи 8,8 %га ошди.

Йўловчи ташиш транспорти хизматлари орасида ой давомида такси хизматида нарх ва тарифлар 1,3 %га ўсиши қайд этилди. Темир йўл транспортида йўл ҳақи ой давомида 0,3 %га, авиақатновларда эса 0,6 %га арзонлашди. Қайд этилишича, бунга миллий валютанинг евро ва Швейцария франкига нисбатан курси, шунингдек, бир қатор йўналишлар бўйича ёқилғи йиғимлари миқдорининг ўзгариши таъсир кўрсатди.