Хави «Ас-Садд» билан Қатар кубогида ғалаба қозонди

«Барселона» ва Испания терма жамоаси собиқ яримҳимоячиси Хави Эрнандес ҳозирда тўп сураётган Қатарнинг «Ас-Садд» жамоаси билан жорий мавсумдаги иккинчи соврини қўлга киритди.

«Ас-Садд» Қатар амири кубоги финалида Микаэл Лаудруп бошчилик қиладиган «Ар-Райян» клубини 2:1 ҳисобида мағлубиятга учратди.

Клуб расмий твиттери ғалабани уч йил олдинги натижа билан эслаган. Ўшанда кубокни қўлга киритган Рауль ва янги ғолиб Хавининг кубокни ўпиб тушган расмлари жойланган.

«Тарих такрорланмоқда. Уч йил олдин бу Рауль билан қайд этилганди. Энди — Хави билан. «Ас-Садд» афсоналарни бирлаштиради», — деб ёзилган клуб твиттерида.