Марказий банк асосий ставкани ўзгаришсиз қолдирди

Марказий банк асосий ставкани йиллик 17 фоиз даражасида ўзгаришсиз қолдириш тўғрисида қарор қабул қилди.

Фото: Kun.uz

21 апрель куни Ўзбекистон Республикаси Марказий банки бошқарувининг йиғилишида асосий ставкани йиллик 17 фоиз даражасида ўзгаришсиз қолдириш тўғрисида қарор қабул қилинди. Бу ҳақда Марказий банк матбуот хизмати хабар қилмоқда.

Ўзбекистон тарихида қайта молиялаш ставкасининг энг юқори кўрсаткичи 1995 йилда кузатилган бўлиб, ўша пайтда асосий ставка 300 фоизга етганди. Шундан сўнг 2017 йилгача асосий ставка пасайиб борган ва 27 июнда 9 фоизни ташкил этган.

Регулятор асосий ставкани охирги марта жорий йилнинг 17 мартида ўзгартирган, ўшанда ставка 3 фоиз бандга оширилиб, 17 фоиз этиб белгиланганди.

#Марказий банк #асосий ставка